தென்கிழக்காசியாவில் தமிழர் கலாச்சாரத்தைப் பரப்பிய தமிழ் வணிகக் கணங்கள்.

அண்மையில் கானப்பிரபாவின் கம்போடியச் சுற்றுலாப் பதிவைத் தொடர்ந்து பலர் தென்கிழக்காசியாவில் பல்லவர் செல்வாக்குப் பற்றிப் பல கேள்விகளைக் கேட்டிருந்தனர். அக் கேள்விகளுக்கான பதில்கள் கா.இந்திரபாலா அவர்கள் எழுதிய இலங்கையில் தமிழர் என்னும் புத்தகத்தில் வாசித்திருந்தேன்.(பார்க்க எனது முந்தைய பதிவை)

பலருக்கும் இந்தத் தகவல்கள் பயன் பெறும் என்பதால் அந்தப் புத்தகத்தில் இருந்து தென்கிழக்காசியாவில் இயங்கிய பல்லவ வணிகக் கணங்கள் பற்றிய பகுதிகளை இங்கே பதிகிறேன்.

பல்லவர்களுடைய ஆதிக்கப் படர்ச்சியின் ஒரு முக்கிய விளைவு கடல் வணிகம் முன் நேற்றம் அடைந்து வணிகக் கணங்களின் நடமாட்டம் வங்காள விரிகுடாவில் தெனிந்தியாவுக்கும் தென் கிழக்காசியாவுக்கும் இடையில் பெருகியமையாகும்.இதன் ஒரு கூறாக இலங்கையுடன் நடைபெற்ற வணிகம் அமைந்தது.இலங்கையில் தமிழ் இனக் குழு மேலும் வலுப் பெறுவதற்க்கு உதவிய காரணிகளுள் மிகவும் முக்கிமானதாக இவ் வணிக வளர்ச்சியைக் கருத வேண்டும்.

ஐந்தாம் நூற்றாண்டின் பின்னர் பல்லவப் பேரரசு எழுச்சி பெறத் தொடங்கியதும் தமிழ்னாட்டின் கடல் கடந்த வர்த்தகம் செழுப்புற்றது.ஆறாம் நூற்றாண்டிலிருந்து ஏறக்குறைய ஆறு நூற்றாண்டுகளாகத் தென்கிழக்காசிய வர்த்தகத்தில் தமிழ்னாட்டு வர்த்தகர் முக்கிய பங்கெடுத்தனர்.அவர்கள் செயல்களால் வர்த்தகம் வளர்ச்சியுற்றது மட்டுமன்றித் தென் கிழக்காசியாவிலும் இலங்கைலும் பல்லவர் பண்பாட்டுக் கூறுகளும் பவுத்த சைவ சமயங்களின் செல்வாக்கும் பரவின.

ஆறாம் நூற்றாண்டிலிருந்து கவனிக்கக் கூடிய ஒரு விடயமாக வணிகக் கணங்களின் வளர்ச்சி அமைகின்றது.பல்லவ அரசின் எழுச்சி கடல் கடந்த வர்த்தகதுக்குத் துணையாக இருந்த சூழ் நிலையில் வணிகக் கணங்கள் தமிழ் நாட்டுத் துறைகளில் இருந்தும் இலங்கைக்கும் தெங்கிழக்காசியாவிற்க்கும் கூடுதலாகச் செல்லும் அளவுக்கு வலுப் பெற்றன.இதனை வெளிப்படுத்தும் தொல்லியல் சன்றுகள் தமிழ் நாடு,இலங்கை,மற்றும் தென்கிழக்காசிய நாடுகளாகிய தாய்லாந்து,வியட் நாம் அகிய இடங்களில் கிடைதுள்ளன.இவ்விடங்களில் தென்னிந்திய வணிகக் கணங்கள் மேற் கொண்ட நடவடிக்கைகளில் பவுத்த சங்கத்தார்,பிராமணர்கள்,மற்றும் சிற்பிகள் ஆகியோரும் பங்கு கொண்டனர்.கிழக்கு கரைத் துறைகள் குறிப்பாக நாகபட்டினம்,மாமல்லபுரமும் வங்காள விரிகுடாவுக்கு அப்பால் கிழக்கு இலங்கயின் துறைகளாகிய பல்லவ வங்கம்,திருகோணமலை ஆகிய துறைகளுடன் தென் கிழக்காசியாவில் தாய்வான் தங்குவா பா, வியட் நாமின் ஒகியோ ஆகிய துறைகளுடனும் வர்த்தக மார்க்கங்களால் தொடுக்கப்படிருந்தன.

மிகப் பழைய தெனிந்திய வணிக கணக்களில் ஒன்று மணிக்கிராமம்.இந்த வணிக கணத்தைப் பற்றி ஆவணங்கள் ஒன்பதாம் பத்தாம் நூற்றாண்டைச் சேர்ந்தவையாக தெனிந்தியா,இலங்கை மற்றும் தாய்லாந்து ஆகிய இடங்களில் கிடைத்துள்ளன.பத்தாம் நூற்றாண்டில் இலங்கையில் உள்ளூர்ப் பகுதியாகிய மகியங்கனைக்கு அருகாமையில் ஹோபிடிகம என்ற இடத்தில் மணிக்கிராமத்தவர் வர்த்தகம் நடத்தினர் என்பதற்க்குக் கல்வெட்டுச் சான்றுண்டு.இப்படியான உள்ளூர் வர்த்தக மையம் ஒன்றில் தம் முயற்சிகளில் ஈடுபட்ட மணிக்கிராமத்தவர் முதலில் கரையோர மையங்களாகிய திருகோணமலை, மாதோட்டம் போன்ற இடங்களில் தங்கள் நிலையங்களை நிறுவியிருப்பர்.

ஒன்பதாம் நூற்றாண்டில் மணிக்கிராமத்தவர் தாய்லாந்தின் தக்குவாபா என்னும் துறையில் பல வகைப்பட்ட முயற்ச்சிகளில் ஈடுபட்டிருந்தனர் என்பதற்கு அவ்விடத்தில் கிடைத்த தமிழ் கல்வெட்டு ஒன்று சான்று பகருகின்றது.இதே நூற்றாண்டில் இவ் வணிகக்கணத்தினர் கேரளக் கரையோரத்திலும் பல முயற்ச்சிகளில் ஈடுபட்டிருந்தனர்.

அய்ந்தாம் நூற்றண்டுக்கும் ஏழாம் நூற்றண்டுக்கும் இடைப்பட்ட காலத்தைச் சேர்ந்த சமஸ்கிரதக் கல்வெட்டுக்கள் பல இலங்கையிலும் தென்கிழக்காசிய நாடுகளிலும் கிடைத்துள்ளன.இவை தென் பிராமி எனப்படும் எழுதிலும் அதன் வழியாக உருவாகிய பல்லவ - கிரந்தம் என்ற எழுதிலும் உள்ளன.இந்த எழுத்து முறமைகள் பல்லவர் ஆண்ட பகுதிகளில் சமஸ்கிருததை எழுதுவதற்க்குப் பயன்பட்டவை.ஆகவே இந்த எழுத்து முறைகளைக் கையாண்டு கல்வெட்டுக்கள் பொறிக்கப்பட்டமை பல்லவ பிரதேசத்தில் இருந்து வந்த சிற்பிகளும் பிராமணர்களும் வணிகர்களும் வெளி நாடுகளுக்குச் சென்று முயற்ச்சிகளில் ஈடுபட்டதற்க்குச் சான்றாகும்.பெரும்பாலும் இக் கல்வெட்டுகளுடன் சைவ வைணவ சிலைகளும் மற்றும் கோவில்களில் இடிபாடுகளும் கிடைதுள்ளமை இக் கருத்துக்கு வலுவூட்டுகிறது.

இப்படியான தொல்லியல் ஆதாரங்களுக்கு மிக முற்பட்ட ஒன்றாக லாவோஸ் நாட்டில் சம்பஸ்ஸக் என்னும் இடத்தில் கிடைத்த சான்றினைக் குறிப்பிடலாம்.சம்பஸ்ஸக் என்னும் நகரத்தில் உயரிய தூண் ஒன்றில் அய்ந்தாம் ஆறாம் நூற்றாண்டைச் சேர்ந்த தென் பிராமி எழுத்தில் ஒரு சமஸ்கிரதக் கல்வெட்டு உள்ளது.சிவன்,விஸ்ணு,பிரம்மா ஆகிய தெய்வக்களுக்கு அமைக்கப்பட்ட நிறுவனம் ஒன்றுடன் தொடர்புடைய கல்வெட்டாக அது இருந்தது.சம்பஸ்ஸக் நகரதுக்கு அருகாமையில் ஏழாம் நூற்றாண்டளவில் எழுதப்பட்ட வேறு இரு சமஸ்கிரதக் கல்வெட்டுக்கள் பல்லவ கிரந்த எழுத்தில் எழுதப்பட்டவையாக் கண்டு பிடிக்கப்படுள்ளன.லவோஸ் நாட்டுக்கு அருகில் உள்ள வியட் நாமில் பழைய பு-நான் அரசு இருந்த தென் பகுதியில் இரண்டாம் நூற்றாண்டுக்கும் ஆறாம் நூற்றாண்டுக்கும் இடையில் ஒரு முக்கிய துறையாக விளங்கிய ஒக் இயோ என்ற இடத்தில் இன்னொரு சமஸ்கிரதக் கல்வெட்டு கிடைதுள்ளது.தென் பிராமி எழுத்தில் உள்ள இக் கல்வெட்டு வர்த்தமானர் என்ற தெய்வத்துக்குக் கட்டப்பட்ட ஒரு கோவில் பற்றிக் குறிப்பிடுகின்றது.இவை போல மேலும் பல கல்வெட்டுக்கள் பல்லவ கிரந்த எழுத்தில் எழுதப்பட்டவையாக தாய்லாந்திலும் மலேசியாவிலும் கிடைத்துள்ளன.

வங்காள விரிகுடாவைச் சுற்றி உள்ள நாடுகளில் தென்னிந்திய வணிக கணங்கள் பெருமளவு வர்த்தக நடவடிக்கைகளை மேற்கொண்ட போது கூடவே பல்லவப் பேரரசின் பண்பாடும் பரவியது.அரசியலில் காணப்பட்ட செல்வாக்கைப் வெளிப்படுத்தும் ஒரு கூறாக மன்னர் பெயர்கள் பல அரசுகளில் பல்லவ மன்னர் பெயர்கள் போன்று வர்மன் என்ற இறுதிச் சொல்லைக் கொண்டிருந்தன.தெங்கிழக்காசிய அரசுகளில் இந்திரவர்மன்,ஜயவர்மன் ஈசானவர்மன் யசோவர்மன் பூர்ணவர்மன் போன்ற பெயர்கள் அய்ந்தாம் நூற்றாண்டில் பரவலாக வழங்கின.சமயத்தை பொறுத்த மட்டில் சைவ வைணவ மதங்களுடன் பவுத்த மதமும் பெருமளவில் செல்வாக்கைப் பெற்றிருந்தன.இலங்கையில் மணிக்கிராமம் மற்றும் நால்கு நாடு போன்ற வணிக கணங்கள் இச் செல்வாக்கைப் பரப்புவதில் முக்கிய பங்கு கொண்டிருந்தன எனலாம்.

தென்கிழக்காசிய அரசுகளில் ஆட்சியாளாராக இருந்தோர் மகயான பவுத்தையும் சைவ வைணவ மதங்களையும் ஆதரித்துப் பல்லவப் பேரரசிலிருந்து பரவிய செல்வாக்கு வளர்வதற்கு உதவினர்.





திராவிடக் கட்டிடக் கலையைக் காட்டும் ஜாவாவில் உள்ள தெற்காசியவிலையே பெரிய பண்டைய சைவக் கோவில் - பெரம்பான்

(Prambanan is the largest Hindu temple compound in Central Java in Indonesia, located approximately 18 km east of Yogyakarta.[1]

The temple is a UNESCO World Heritage Site and is one of the largest Hindu temples in south-east Asia. It is characterised by its tall and pointed architecture, typical of Hindu temple architecture, and by the 47m high central building inside a large complex of individual temples- wiki )


சோழரின் எழுச்சி

சோழர் ஆதிக்கத்தின் உச்ச கட்டம் ராஜராஜனின் மகன் முதலாம் ராஜேந்திர சோழனின் ஆட்சியில் (1012-1044) அடையப்பட்டது.கடலிலும் தரையிலும் பெரும் படையெடுப்புக்களை நடத்தி,தெனிந்தியாவுக்கு வெளியேயியும் ராஜேந்திர சோழன் செல்வாக்குடன் விளங்கினான்.கிழக்குக் கரையோரமாகக் கங்கைக் கரை வரை படை கொண்டு சென்று வெற்றியுடன் திரும்பி,கங்கை கொண்ட சோழன் என்ற விருதைப் பெற்றான்.கடல் கடந்து வங்காள விரிகுடாவைச் சூழ விருந்த தென்கிழக்காசியத் துறைகள் பலவற்றைத் தாக்கி வேறோர் இந்திய அரச வம்சமும் பெற்றிராதா புகழைச் சோழ வம்சத்துக்குப் பெற்றுக் கொடுத்தான்.சீனா வரை தென்னிந்திய வணிகக் கணங்கள் தடையின்றி வர்த்தகம் நடத்த ராஜேந்திர சோழனுடைய படையெடுப்பு உதவியிருக்கலாம் என்பதில் ஐயமில்லை.

சோழராட்ச்சியின் போது அஞ்ஞாற்றுவர் என்னும் வணிகக் கணத்தினர் முக்கியமானவர்கள்.இவர்கள் தொடர்ந்தும் பன்னிரண்டாம் நூற்றாண்டு வரை செல்வாக்குப் பெற்றிருந்தனர்.பல இடங்களில் எறிவீர பட்டணம் என்ற நிறுவனங்களையும் வர்த்தக மையங்களையும் நிறுவினர்.